Fritid, kultur og idrett
I Ulstein har vi eit rikt og variert kulturtilbod. I menyen til venstre finn du meir om dei ulike tenestene i kommunen.
Kulturkontoret si hovudsoppgåve er generelt kulturarbeid og tilrettelegging for det lokale kulturlivet, med vekt på barne- og ungdomsaktivitet. Dette inneber m.a. følgjande arbeidsoppgåver: handsaming av søknader om kulturmidlar, spelemidlar, utleige av hallar og andre bygningar, tildeling av treningstider, kulturtilbod i skulen (kulturnista), konsertar og teaterarrangement, ugdomsarrangement, "Ungdommens kulturmønstring" m.m..
Øvingslokale for band, Vikingen ungdomsklubb og Ungdomsrådet er viktige ungdomstiltak som er adminstrativt lagt til Oppvekst- og kulturkontoret.
Kulturkontoret har som mål å leggje til rette for/arrangere ulike typer kulturarrangement gjennom året, som t.d. teater og konsertar. Vi har også nokre faste arrangement og tiltak som Ungdommens kulturmønstring og Ulsteindagane.
Ei anna viktig oppgåve er å leggje til rette for idrett og fysisk aktivitet, der kommunedelplan for Idrett og friluftsliv (KIF-planen) er eit viktig verktøy. Planen inneheld handlingsprogram med prioriterte tiltak innan idrettsanlegg og nærmiljøanlegg. Det vert stilt krav om prioritet i KIF-planen for å få tilskot frå spelemidlane.
Kulturkontoret driftar også Sjøborg kulturhus og kino som er ein viktig del av kulturtilbodet i Ulstein. Sjøborg har eiga nettside, som du finn på www.sjoborg.no.
|
|
|
|